Lirik Sholawat Syiir Tanpo Waton Karya KH Abdurrahman Wahid atau Gus Dur

TRIBUNPADANG.COM - Berikut lirik sholawat Syiir Tanpo Waton karya KH Abdurrahman Wahid atau Gus Dur.

Lirik sholawat Syiir Tanpo Waton berisi soal perjalanan hidup manusia pulang menuju Tuhan-Nya.

Astaghfirullah rabbal baroya
Astaghfirullah minal khotoya
Robbi zidni ‘ilman naafi’a
Wawafiqni amalan sholiha

Ya Rosulullah, salamun alaik
Ya rafi’a syaani wadaroji
Athfatayyaji rotal ‘alami
Ya uhailalju diwal karomi

Baca juga: Lirik Sholawat Maula Ya Sholli Wa Sallim Lengkap Tulisan Arab, Latin, dan Terjemahan

Ngawiti ingsun nglaras syi’iran
Kelawan muji maring Pangeran
Kang paring rohmat lan kenikmatan
Rino wengine tanpo pitungan

Duh bolo konco priyo wanito
Ojo mung ngaji syareat bloko
Gur pinter ndongeng nulis lan moco
Tembe mburine bakal sengsoro

Akeh kang apal Qur’an-Haditse
Seneng ngafirke marang liyane
Kafire dewe dak digatekke
Yen isih kotor ati akale

Gampang kabujuk nafsu angkoro
Ing pepaese gebyare ndunyo
Iri lan meri sugihe tonggo
Mulo atine peteng lan nisto

Ayo sedulur jo nglalekake
Wajibe ngaji sak pranatane
Nggo ngandelake iman tauhide
Baguse sangu mulyo matine

Kang aran sholeh bagus atine
Kerono mapan seri ngelmune
Laku thoriqot lan ma’rifate
Ugo haqiqot maning rasane

Al–Qur’an qodim wahyu minulyo
Tanpo tinulis biso diwoco
Iku wejangan guru waskito
Den tancepake ing jero dodo

Kumantil ati lan pikiran
Mrasuk ing badan kabeh jerone
Mu’jizat Rosul dadi pedoman
Minongko dalan manjinge iman

Kelawan Alloh Kang Moho Suci
Kudu rangkulan rino lan wengi
Ditirakati diriyadohi
Dzikir lan suluk jo nganti lali

Baca juga: Lirik Sholawat Mughrom, Lengkap Tulisan Arab, Latin dan Terjemahan: Mughrom Qolbi Bihubbika Mughrom

Uripe ayem rumongso aman
Dununge roso tondo yen iman
Sabar narimo najan pas – pasan
Kabeh tinakdir saking Pangeran

Kelawan konco dulur lan tonggo
Kang podho rukun ojo dursilo
Iku sunahe Rosul kang mulyo
Nabi Muhammad panutan kito

Ayo nglakoni sekabehane
Alloh kang bakal ngangkat drajate
Senajan asor toto dhohire
Ananging mulyo maqom drajate

Lamun palastro ing pungkasane
Ora kesasar roh lan sukmane
Den gadang Alloh swargo manggone
Utuh mayite uge ulese

(Tribunnews.com)